Naging kwalipikado ang Measure B para sa balota matapos makapagsumite ang mga organizer ng sapat na balidong lagda ng mga botante. Ang mga botante sa San Diego County ang magpapasya kung ipapatupad ang iminumungkahing buwis sa pagbebenta sa buong county.

Kailangan ng Measure B ng simpleng mayorya, o higit sa 50% ng mga botong inilaan para sa panukala. Dahil ang mga mamamayan ang naglagay ng panukalang ito sa balota, ibang panuntunan sa pagboto ang ipinapatupad ng batas ng California kumpara sa ilang buwis na inilalagay sa balota ng lokal na pamahalaan.

Ang Measure B ay lilikha ng tuluy-tuloy na lokal na pondo para sa krisis sa sewage sa Tijuana River, pangangalaga sa bata, pangangalagang pangkalusugan, seguridad sa pagkain, at kaligtasan ng publiko. Maaari ring mangutang ang County base sa inaasahang kita ng Measure B sa hinaharap upang makatulong sa pagbabayad ng ilang malalaking proyekto.

Ang Measure B ay tinatayang makakalap ng humigit-kumulang $400 milyon–$450 milyon bawat taon. Ang aktwal na halaga ay maaaring tumaas o bumaba depende sa mga nabubuwisang benta at sa ekonomiya. Ang pagtatantyang ito ay hindi garantisado.

Ang plano sa paggastos ay naglalaan ng:

• 60% para sa pangangalagang pangkalusugan, pangangalaga sa bata, seguridad sa pagkain, at iba pang serbisyo para sa mga bata at pamilya
• 22.5% para sa krisis sa sewage sa Tijuana River
• 16% para sa kaligtasan ng publiko, pag-iwas sa wildfire, at pagtugon sa emergency

Hanggang 1.5% ng kita ang maaaring gamitin para sa administrasyon at pangangasiwa. Ito ay maximum na halaga lamang at hindi kinakailangang antas ng paggastos.

Ang panukala ay magdaragdag ng kalahating sentimong sales tax sa mga binili na may buwis na sa San Diego County. Ibig sabihin, may dagdag na 50 sentimo sa bawat $100 na binili ng may buwis.

Karamihan sa mga grocery, kwalipikadong gamot na may reseta, at upa ay karaniwang hindi sakop ng sales tax sa California. Ang dagdag na kalahating sentimo ng Measure B ay ipapataw lamang sa mga dati ng pinatawan ng buwis.

Ang dagdag na kalahating sentimo ay ipapataw sa mga pagbiling sakop na ng sales tax sa California. Ang mga halimbawa nito ay damit, elektroniko, muwebles, pagkain sa restaurant,at karamihan ng mga binibiling sasakyan. Maaaring magbago ang mga panuntunan sa buwis depende sa item.

Nag-iiba-iba ang mga rate ng sales tax sa buong San Diego County. Magdaragdag ang Measure B ng 0.5 percentage points sa rate kung saan ginawa ang isang taxable na pagbili.

Ang sales tax sa Lungsod ng San Diego ay 7.75%. Itataas ito ng Measure B sa 8.25%.

Hindi. Ang Measure B ay isang espesyal na buwis. Ibig sabihin, ang pondo ay magagamit lamang para sa mga layuning nakalista sa panukala.

Hindi. Ang buwis ay ipapataw sa mga taxable na pagbili na ginawa sa San Diego County. Ang mga residente, commuter, at bisita ay magbabayad nito lahat kapag gumagawa ng mga taxable na pagbili rito.

Ang San Diego County ay tumatanggap ng humigit-kumulang 32 milyong bisita bawat taon. Magbabayad din ang mga bisita ng buwis kapag gumagawa ng mga taxable na pagbili sa loob ng county. Ang eksaktong bahagi na babayaran ng mga bisita kumpara sa mga residente ay magbabago depende sa antas ng turismo, gawi sa paggastos, at mga uri ng binibili.

Hindi. Ang Measure B ay lilikha ng tuloy-tuloy na buwis na walang awtomatikong petsa ng pagtatapos.

Oo. Papayagan ng Measure B ang County na mangutang base sa kikitain sa hinaharap para sa ilang malalaking proyekto, gaya ng mga pasilidad sa paglilinis ng wastewater. Ang mga proyektong iyon ay dadaan pa rin sa mga panuntunan ng County sa pagpaplano, pagbabadyet, at pagbili.

Sisumulan ng county ang pangongolekta ng karagdagang kalahating sentimong sales tax at ipapatupad ang plano sa paggastos. Magsisimula rin ang mga audit, pangangasiwa, at pag-uulat sa publiko. Maaaring mangailangan ng panahon bago magsimula ang ilang programa at malalaking proyekto.

Hindi magkakabisa ang bagong buwis sa benta sa buong county at ang nakalaang pondo nito.

Gagamit ang Measure B ng lokal na buwis sa pagbebenta (sales tax) upang bayaran ang mga serbisyong nakalista sa panukala. Maaaring isaalang-alang ng mga botante kung ang sales tax ba ang tamang paraan para makalikom ng pera, kung paano ito makakaapekto sa mga tao at negosyo, at kung dapat bang pederal o lokal na pamahalaan ang sumagot sa mas malaking bahagi ng gastos.

Ibibigay ng Measure B sa county ang responsibilidad sa pangongolekta at pamamahala ng pera. Maaaring isaalang-alang ng mga botante kung ano ang dapat na maging papel ng county sa mga isyung ito at kung paano dapat hatiin ang responsibilidad sa pagitan ng pederal at lokal na pamahalaan.

• Kailangan ang lokal na pondo dahil hindi tiyak ang pondo mula sa pederal at estado. 
• Ang tuloy-tuloy at nakalaang pondo ay makakatulong sa pagbabayad para sa mga pangmatagalang proyekto sa Tijuana River at iba pang serbisyo. 
• Ang lokal na pangangasiwa, taunang pag-audit, at mga pampublikong ulat ay makakatulong upang ipakita kung paano ginagastos ang pera. 
• Ang lokal na pondo ay makakatulong upang maging mas pare-pareho ang mga serbisyo at mabawasan ang mga kakulangan.
• Ang San Diegans for Health and Safety ay sumusuporta sa Measure B.

• Ang panukalang ito ay magtataas ng sales tax sa county, na magpapataas ng mga gastusin para sa mga mamimili at negosyo. 
• Ang pederal na gobyerno ng Mexico at U.S.—hindi ang mga lokal na nagbabayad ng buwis—ang dapat na sumagot sa mas malaking bahagi ng mga gastusing ito. 
• Dapat dumaan sa masusing pagsusuri ang paggastos ng gobyerno bago lumikha ng bagong pangmatagalang pagkukunan ng pondo.
• Dapat munang gastusin nang tama ang mga kasalukuyang pondo ng publiko bago magpatupad ng bagong buwis.
• Ang San Diego County Taxpayers Association ay tumututol sa Measure B.

Ang isang tuloy-tuloy na pagkukunan ng pondo ay makapagbibigay ng matatag na suportang pinansyal at makakatulong sa pagbabayad ng malalaking proyekto sa loob ng maraming taon. Maaari ring isaalang-alang ng mga botante kung ang isang buwis na walang nakatakdang katapusan ay nagbibigay ng sapat na kakayahang umangkop habang nagbabago ang mga pangangailangan at badyet.

Maraming sanhi ang krisis na ito. Kabilang dito ang mga lumang sistema ng wastewater, hindi ginagamot na sewage sa imburnal, maruming runoff, sewage, basura, paglaki ng populasyon, at tubig-baha. Dahil tumatawid ang ilog sa hangganan ng Estados Unidos at Mexico, kailangang magtulungan ang mga ahensya sa magkabilang bansa.

Nag-uulat ang mga residente ng pananakit ng ulo, pagduduwal, problema sa paghinga, at iba pang alalahanin sa kalusugan na nauugnay sa polusyon. Ang maruming hangin ay maaaring makaapekto sa mga kalapit na komunidad at paaralan. Ang maruming tubig ay maaari ring magdulot ng panganib sa kalusugan ng mga taong pumapasok sa karagatan. Patuloy pa ring pinag-aaralan ng mga mananaliksik ang mga pangmatagalang epekto nito.

Ang maruming tubig mula sa Ilog Tijuana ay maaaring umabot sa Karagatang Pasipiko. Isinasara ng mga pampublikong ahensya ang mga dalampasigan kapag ipinapakita ng mga pagsusuri na hindi ligtas ang tubig para sa paglangoy, surfing, o iba pang aktibidad sa tubig.

Naglaan na ang Estados Unidos at Mexico ng daan-daang milyong dolyar para sa mga proyekto sa wastewater at mga sistema ng paggamot ng tubig. Patuloy pa ang mga ginagawang hakbang. Ang pangmatagalang pag-unlad ay nakadepende rin sa pagpapanatili, karagdagang pondo, at patuloy na pagtutulungan ng mga ahensya at ng dalawang bansa.

Maaaring pondohan ng Measure B ang mga proyekto sa wastewater, pag-aalis ng basura at mga debris, pagpapanumbalik ng tirahan ng mga hayop, mga gawaing may kaugnayan sa kalidad ng tubig, at mga tugon na may kinalaman sa kalusugan. Hanggang 22.5% ng kita mula sa Measure B ang maaaring ilaan sa isyung ito. Hindi bababa sa 20% ng kabuuang kita ng Measure B ang dapat mapunta sa mga proyektong idinisenyo upang pigilan ang pagdaloy ng sewage sa imburnal.

Hindi. Ang Measure B ay magbibigay ng lokal na pondo para sa mga proyekto, ngunit hindi kontrolado ng County ang bawat pinagmumulan ng polusyon o bawat sistema ng wastewater. Ang mga resulta ay depende rin sa kung paano itatayo, pananatilihin, at iko-coordinate ang mga proyekto sa ibang mga pamahalaan at ahensya.

Ang Medi-Cal ay ang programang Medicaid ng California. Nagbibigay ito ng libre o murang health coverage sa mga taong kwalipikado. Ang pagiging kwalipikado ay nakadepende sa kita, edad,at sitwasyon sa sambahayan.

Mahigit 125,000 residente ng San Diego ang maaaring manganib na mawalan ng Medi-Cal. Higit sa 327,000 miyembro ng Medi-Cal sa buong county ang maaari ring maapektuhan ng mga bagong panuntunan o kinakailangan sa pag-uulat.

Ang County Medical Services ay isang programang pangkalusugan ng county para sa mga nasa hustong gulang na may mababang kita na walang insurance o hindi kwalipikado para sa Medi-Cal. Ikinokonekta nito ang mga tao sa pangangalagang medikal sa pamamagitan ng mga ospital, klinika, at iba pang provider.

Ang mga taong walang insurance ay maaaring ipagpaliban ang mga checkup, gamot, o pagpapagamot dahil sa gastos. Ang ilan ay maaaring pumunta sa mga klinika ng komunidad, County Medical Services, o emergency room, na maaaring magpataas sa pangangailangan sa mga lokal na programang pangkalusugan.

Maaaring pondohan ng Measure B ang mga kasalukuyang serbisyong suportado ng Medicaid, County Medical Services, pangangalaga sa pamamagitan ng mga ospital at klinika, pangangalaga sa tahanan, at mga kawani na tumutulong sa mga tao sa pag-a-apply para sa mga programang pangkalusugan. Ang pera ay dapat idagdag at hindi ipalit sa kasalukuyang pondo ng County para sa pangangalagang pangkalusugan.

Hindi. Ang mga panununtunan ng pamahalaang pederal at estado ang nagtatakda kung sino ang kwalipikado para sa Medi-Cal. Hindi babaguhin ng Measure B ang mga panuntunang iyon. Magbibigay ito ng lokal na pondo para sa mga programang pangkalusugan na tumutulong sa mga taong nangangailangan ng pangangalaga.

Hindi. Ang Measure B ay magpopondo sa mga kasalukuyang programa at provider, kabilang ang County Medical Services, mga ospital, at mga klinika. Ang county ang magpapasya kung paano gagamitin ang pera sa pamamagitan ng regular na proseso ng pagbabadyet at pagpaplano nito, alinsunod sa mga panuntunan ng Measure B.

Ang pondo para sa kaligtasan ng publiko ay maaaring gamitin para sa mga tauhan, pagsasanay, sasakyan, kagamitan, pasilidad, at mga sistema ng komunikasyon. Ang mga mapagkukunang ito ay sumusuporta sa pagtugon sa sunog, paghahanda sa wildfire, pagpapatupad ng batas, at pagpapadala ng 911. Ang pinopondohan ay maaaring mag-iba depende sa county, mga lungsod, mga fire district, at iba pang ahensya.

Ang kaligtasan ng publiko ay responsibilidad ng county, mga lungsod, mga fire district, mga ahensya ng pagpapatupad ng batas, mga medical responder, at iba pang katuwang sa rehiyon. Ang ahensyang tutugon ay depende sa kung saan naganap ang emergency at kung anong uri ng tulong ang kinakailangan.

Ang pagbabawas ng panganib ng wildfire ay tumutukoy sa mga gawaing isinasagawa upang mapababa ang panganib ng wildfire at mabawasan ang pinsala nito. Maaari itong kabilang ang paglilinis o pamamahala ng mga halaman, pagpaplano, kagamitan, edukasyon sa publiko, at iba pang hakbang na ginagawa bago pa man magsimula ang sunog.

Ang imprastraktura ng 911 ay kinabibilangan ng teknolohiya at mga sistema ng komunikasyon na ginagamit upang tumanggap ng mga tawag pang-emergency, tukuyin ang lokasyon ng tumatawag, at magpadala ng tulong. Ikinokonekta ng mga sistemang ito ang mga tao sa mga serbisyo ng bumbero, medikal, at pagpapatupad ng batas.

Ilalaan ng Measure B ang 16% ng kita nito para sa kaligtasan ng publiko, pag-iwas sa wildfire, at pagtugon sa emergency. Ang pera ay maaaring gamitin para sa paghahanda sa sunog, pagbabawas ng panganib ng wildfire, pagpapatupad ng batas, at mga sistemang 911.

Maaari. Magbibigay ang Measure B ng lokal na pondo para sa kaligtasan ng publiko, ngunit ang bilis ng pagtugon ay nakadepende sa maraming bagay. Kabilang dito ang dami ng tauhan, lokasyon, trapiko, dami ng emergency na sabay-sabay na nangyayari, at kung paano nagtutulungan ang mga ahensya.

Ang Measure B ay lilikha ng karagdagang pondo na magagamit lamang para sa mga layuning pinahihintulutan sa ilalim ng panukalang ito.